إنّه حُلّـمْے .. فَمَا بَالُكَ بِالحَقِيْقًـة !؟

السلام عليكم ورحمة الله وبركاته


إنها بالمنام ..
فما بالك .. بالحقيقه ؟..





أحبتي ..
أنشأت هالموضوع وأنا أبغى أعمله من أمس ..
الآن .. يدي اللي تكتب .. لكن اللي يمليني قلبي ..
اللي لمن وقف هناك صار يقرع لدرجة بغى يوقف ..
أما عقلي .. مع الصدمه والخوف والحوسه .. هو اللي وقف !..

موضوعي عن علامات الساعة الكبرى ..
لو قلت لكم عشتها .. راح تصدقون ؟ .. يمكن أو أكيد لا ..
لكن بالنسبة لي .. أحس إني عشت علامات الساعه.. لكن مو بحقيقتها ..

حبايبي .. أنا كثير أحلم بعلامات الساعه وأحس وعادي ..
والله مانيب مكذبه .. اتعدل يومين وأخربها عشر ..

لكن هالمرة .. هالمرة غير .. وغير بقوة ..
أنا ما شفت حلم ..
لا ! .. أنا عشت رؤيا ..







تخيلوا معي شوي ..

أنت الآن رايح مع أهلك البحر ..
جا المغرب ورحت لوحدك تقعد عند البحر شوي ..
وأنت تناظر الغروب وتفكيرك يروح يمين وشمال ..
وتشم ريحة البحر الطيبه وجالس على الرمله الباردة ..
فجأهـ ..
طاح شهاب كبير أو نيزك مشتعل بنار !
أنت إستغربت وشوي لحقه خمسين نيزك كلهم شابين نار ..
أنت خفت وقمت بتروح لأهلك
وتلتفت وراك تلقى أهلك خايفين ويراكضون
والناس نفس الشي بسبب هاللي يطيح عليهم
والبحر يهتز من قوة ضربات النيازك
بتركض لأهلك وتزلزلت الأرض وأنشقت بين رجليك
خفت وقمزت لأحد الجهتين
طاحوا ناس كثير في حفرة الزلزال اللي تحتوي على براكين
رفعت راسك وشفت خط الزلزال يتوجه لجبل ويخبط به ويشق الجبل نصين
وتفتفت الجبل ويصير قطن يطير
في نفس الوقت يطلع من بين الجبال جوج ماجوج
يركضون للبحر يشربونه ويطلع وراهم الأموات ..
وأنت ما تدري وين تروح أهلك اللي ما تدري وينهم
ولا الناس منهبله والأرض منشقه والجبل تفتفت ..
رفعت راسك ولقيت الناس الأموات والأحياء يرفعون يمينهم
عشان يمسكون صحائفهم .. لكن ماكانت صحائف ..
الغريب كانت أساور .. ومن صوف ناعم ..
[ فسرتها وصار كل غرزة في السواره صلاة ]

كل هذا صار بلحظة يومني نايمه ..
وقمت وأنا أبكي أخواني .. إيه أبكي ..
تدرون ليه أبكي .. تدرون وش حصلت بسوارتي ؟..

أقولكم وش حصلت بسوارتي ..
أنا شفتها قعدت أبكي .. وللآن فيني الصيحه كل ما تذكرت ..
سوارتي ماكانت بيضاء زي جدتي الله يحفظها ..
اللي سوارتها طول ذراعها وكلها بيضاء ..
كانت ما تتعدى في عرضها شبر !
وماكان فيها أبيض إلا جزء صغير ..
وباقيها حمرا ..أو برتقاليه .. وسودا .. وكأنها درجات قبول الله لصلاتي ..
صلاتي اللي قبلها ربي كامله قليله .. وهذا اللي معور قلبي ..
ضاق صدري .. وندمت .. وكنت متيقنه .. إن نهايتي نار ..
فقدت الأمل وقعدت أصيح بجنون ..

بسبب هالحلم رحت وصليت 12 ركعه وتر في الليلة التاليه ..
تبت .. أبي أحلم مرة ثانيه بهاشي وأشوف سوارتي بيضاء وكبيرة ..


كله بس لأني حلمت ..
فما بالك لو كانت حقيقه ! ..





غرضي من الحلم والموضوع حبايبي..
أنكم تسارعون للتوبه .. الحمد لله ربي رحمني وتبت ..
أنا شفت ناس كثيرين ما قد شفتهم بدنياي قاعدين يصيحون ..
لايكون شفت أحد منكم يصيح !
لا يكون شفتك تبكي !
لا يكون شفت سوارتك سودا وعريضه وطول ذراعك وتبكي !
لا يكون شفتك تطيح في فتحة الزلزال !
وشفت ناس من الفرحة يركضون وينططون
وسواراتهم طووووووووووويلللله وبيضا ونورها نور الشمس ..
إن شالله تكون أنت هذا اللي شفته ,,

أرجوكم حبايبي توبوا ..
وعدلوا طريقتكم في الصلاة ..
لا تفكرون وأنتم تصلون .. ولا تأخرونها ..

إن كان مصيري الجنة فأنا أبغى أشوفكم معي ..
ولا ماكان كتبت الموضوع وطنشت أوم أومين هالشي ..





الله يهديكم ويهديني معكم ويهدي أخواننا المسلمين والمسلمات ..
على فكرة أخي أختي القارئــــ|ــه ..

أنا ما اطلب رد للموضوع .. أنا مابي رد منك ..
أنا اطلب منك شي واحد ..
وهو غرضي من الموضوع ..
أنك تعدل صلاتك .. تدري ليش ؟
لأني ما أبغاك تصيح مثل ما صحت أنا ..
[أنا أعترف إني أهمل صلاتي .. ]
والحمد لله تعدلت ..
وصرت أصلي ركعة وتر قبل لا أرقد ..
صلي وتر ركعه وحده قبل لا ترقد أحسن لك والله ..
ربي يحب العمل الصغير المتواصل
أكثر من العمل الكثير اللي ينقطع بين كل فترة وفترة ..
تنام وأنت متطمن ومصلي .. ولا تنام وأنت مطنش سجادتك ..

الصلاة ثم الصلاة ثم الصلاة ثم الصلااااااة ..
لا أوصيكم على الصلااااة ..
لا تخلون صلواتكم ماراح ينفعكم غيرها وأنا صادقه ..

أتمنى لكم التوفيق والهدايه يارب..
وأتمنى أن ربي يسهل عليكم إختباراتكم ^^..

ويعطيكم العافيه على قرأة الموضوع ...