•.°.• لـــو كآن [ حبيبنا محمد ] حــــي..!

•.°.• لـــو كآن [ حبيبنا محمد ] حــــي..
وقابلتآآهـ وش ردة فعلك ؟ [ تفضل جاوب ]•.°.•


بسم الله الرحمن الـــــرحيم ..
اآلسلام عليكم ورحمة الله وبركاته ..

ضـــروري تقرون خنابيقي للآخير . عشان تطلع إجابه صح هع ..
تغاضوا عن الكلام الفصيح الفضائي ماعندي ماعند جدتي في الفصحى ههههـ..

// بسم الله \\
---------

بدأ كـــل شــيء من صاحب هذا البيت الصغير ..
فتح باب الــإســــلـآم من صاحبه ..
أغلق بـآب آلــضلآآل مـــــــ\ صاحب \ــــن هذا اآلبــيت ..

عــرفت القـــلــوب [ الرآحـه ]&[ الطمأنينه ]
مـــن هذا الشخص العظـــيم ..

مــآ أجمــل سيرتــه ..
مــآ أطيب قلبـــــــه ..
مــآ أحكم أقـــــواله ..

شخص .. حنون .. طيب .. جميل .. حكيم .. صــبوووور ..

ستندهشووون من تواضعه في بيته ..
مثلما .. [ فهيت ] أنا
سأريكم هذا البيت .. ثم أطــرح غايــتي من الموضوع ^^..
انسخوا الرابط وتفرجوا على الفيديو

http://www.youtube.com/watch?v=oi2hEVVtvZI&feature=youtube_gdata_player




أكيد عرفتوا مقدم البرنامج :-
أحمد الــشقيري - جزاهـ الله خير ووسع الله له فـي رزقه يارب العالمين - ..
والله هذا الإنســآن ..مدري وش أقول .. مـآشاء الله عليه .. برامجه [ أفهي ] عندها ..^^"..

المـــهـم ..

شفتوا البيت صغير مرررهـ يآآالله الحين حنآ بيوتنآ بمسآحآت كبآر.. وضآيقه فينآ
وعلى عهدهـ البيوت مآ تتعدى بضع امتآر..!

ومع هذآ عآيشين بسعآده..
مع تأدية رسآلة ,,
ومسؤلية ربآنيه ..


أكـــيد \|[ عرفـــــــــتوا صاحب البيت ! ]|/

إنه .. [ رسول اللـــه محمد .. صــلى الله عليه وسلم أفضل الصلاة والتسليم .. ]


تــواااااااضـــــع حتى في بيته !
أجل نحن وش نــــقول !؟
بيتك من سطح ..
وحوش ..
وخمسين غرفه ..
ويمكن من طابقين ..
و..
مع ذلك ..
[ طفش ] .. ولا ..[ بيتنا يجيب المرض ] ..!
ومن هالكلام ..!!

والله [فرق] ..
والله [فرق] ..
والله [فرق] ..
والله [فرق] ..

فـيه أنشودهـ لـــسامي يوسف [ المعلم ]
كلماتها رائعه [ مترجمه طبعا ]
ودي أكتبها لأنها أثرت فيني كثــير ..
ولأنها قليله بحق نبينا الحبيب ..
بحط الكلمات اللي عجبتني ^^..

كان عندنا معلم ..
أستاذ المعلمين ..
غير العالم إلى الأحسن ..
وجعلنا أكرم المخلوقات ..
يالله لقد ظلمنا أنفسنا ..
لقد حدنا عن طريق المعلم ..
حقا لقد أضللنا أنفسنا ..
ماذا عسانا أن نقول يوم لقاه ..
[ إيه والله ]

كان يصلي والناس نيام ..
[ الله يخلف علينا متى آخر مرة صليت قيام الليل ؟]

كان يصوم والناس تاكل ..
[طيب لا صمت كيف صيامك ؟ ]

كان يبكي والناس تضحك ..
[ وياليتنا نضحك على شي سنع ]

حتى أنفاسه الأخيره ,,
كانت أمنيته الوحيده لنا ..
أن نكون من االفائزين ..
[ وش سويت عشان تقابله يوم القيامه ؟]

أذكر مــرة قريت قصه من كتـآب جابته إستاذتي الله يحفظها يارب ويجزاها خير ..
وهو عن سيره الأنبياء .. بصيـــغ القصه بطريقتي ^^ ..

عندما كان أنس بن مالك خادم الرسول محمد صلى الله عليه وسلم طفلا
وصـــآه الرسول أن يحضر له أشياء ..
فــخرج من البيت وذهب للسوق ..
فجأهـ ..
في نص الطريق ..
وقف أنس وهو ينظر إليهم ..
ودهـ يروح ما ودهـ ..
كــآن فيه أطفال يلعبون ..
وكان بخاطره يروح ..
فــ [راح] .. وتخلى عن إحضار طلبات الرسول ..
جاء الرسول يبحث عن أنس ..
فوجدهــ يلعب ..
ذهب إليه وشد ملابسه من ورا وألتفت أنس.. وقال له [ أحضرت الأغراض ؟! ]
فسكت أنس وخبى يديه ورا ظهره..
ثم قال [ نعم ] وهو خايف ..
قال الرسول وهو يعرف إنه يكذب وينهم ؟
المهم أنس طلع يديه وهو خايف ..
أبتسم الرسول وسامحه وقاله يروح يكمل لعب مع الأطفال ..
وراح يجيب الغرض اللي محتاجه بنفسه ..

كما أن الرسول كان يدلع أنس على فكره ^^
ترا حتى أنا أندهشت + فهيت هع ..
كان يناديه أنيس .. وأسماء أخرى لا أذكرهـا

كم أحسد وأحسد وأحسد أنس لأنه كان خادم الرسول حسد محمود .. يااااليتيني كنت مكانه ..

حتى أتذكر قصه حكتها لنا الأستاذه موكلها يعني خلاصتها ..

الرسول لمن أخذ عائشه وعمرها 9 سنوات ..
كان ياخذها ويشيلها ومرة يحطها ع ظهره ومرة على كتفه يقعدها ..
وكان فيه مهرجانات صغيره تقام كان يوديها عشان تتسلى ..
وكان يشتري لها ألعاب ..

ما ألطفك يارسول الله يا حبيبي على الأطفال ...
تخيل لو كنت طفل مثل [ عائشه ] و [ أنس ] بين يدين الرسول ..
سبحان الله .. هذا الأنسااااان والله مافي كلمه توصفه ..

ياليتني كنت في مكان الصحابه الرسول يدعي لهم ويربت ع كتوفهم ويعلمهم ..
أنا والله [ أبتسمت ] وقلت .. سبحان الله ما أطيب قلبه وما أجمله وما ألطفه ,,
ليتني كنت في زمانك يا رسول الله شوفتك .. تغنيني عن وفت خلق الله كلللللهم ..

آخ,,
إلـــى الآن ما أحس موضوعي وفــــى حق حبيبي محمد .. ><" ولو كتبت فيه من اليوم لبـــكرهـ .. ماراح يوفي لو إيش !.. أكيد في مشاعر حلــوهـ شوي بعد هالكلام ^^ الحيــــن سؤالي لكم.. وهو غايتي من الموضوع من راسه لساسه .. ســــ1 :- لو كان رسول الله محمد عليه الصلاة والسلام [ حي ] .. وقابلتاهـ... أمانه .. وش بتسوي ؟ ؟؟؟؟؟ ؟ أنا بجاوب أول شـــي .. ^^ .. أنا بحب رجوله ويدينه وببكي وبحب راسه ووبتأمل وجهه .. [ فيني الصيحه وأنا أكتب هع ] ..من فرحتي ببكي لين أنعمي .. لو تحققت لي هالأمنيه .. آهـ بس .. تدرون أمنيتي الثانيه بالنسبه لي شي عظيم بعد شوفة النبي ... أتمنى من كل أعماق أبو أمين قلبي أسمع صوت النبي وهو يقرآ كتاب الله .. وهـ بس والله إحساس حلو .. يااليتني أنولدت في زمن الرسول ><" .. دوركم ^^ ..كل واحد يطلع اللـــي بقلبه بدون تسليك هع تصدقون هالسؤال طرحوه على خواطر الخميس اللي راح .. نسيت أسمه الشيخ اللي عائلته السويدان تدرون قعد يصيح !؟ وجابوا شيخ مدري إمام أو مدري المهم أجنبي مصور فوتوغرافي حق طبيعه جبال وخرابيط هع .. سكت ثمن قال .. مدري .. بقعد أتأمله وخلاص مدري وش بسوي .. وسكت وشوي تجمعت دموعه .. ونفس الشي مع حرمه تبيع بروشات مكتوب فيها حبيبي محمد وبلايز وأشياء فيها نفس الشي حبيبنا محمد وكذا .. سألها وقالت كلام أنا تفقعت صياح والحرمه بكت وأحمد الشقيري بكى وأمي قلطت وبكت معي عند التلفزيون هههههـ بس والله شي يستاهل يعني .. + ..^^.. الموضوع من جهدي لي ساعتين أخرط به هع .. ليتني أشوف وش رايكم ؟؟؟ أستودعتكم الله الذي لا تضيع ودائعه ^^ في آمان الله ^^ ملاحظة : ولا تنسوني من صالح دعائكم ^^ زي ماقلت لكم اللي حاب يضيف شي ^^ وهذه روفي أضافت لنا قصه خنقتني العبره من حلوها ^^ المشاركة الأصلية كتبت بواسطة RO0OFE سمعت قصه إن أحد الصحابه كان يتجهز للحرب والله أعلم وكان يعني ماكان يغطي الجزء العلوي من جسده شئ وو بعدين جاء الرسول يماززحه فقرصه بجنبه وهو يبي ياخذ حقه لكن قال للرسول أنزع الجزء العلوي من جسمك لياخذ حقه بالعدل فلما نزعه الرسول ضم الصحابي الرسوول >>> لاتلوموني عالفصحه ^^

والله يآآآآحظه
إضافه مني ^^

كان أحد أصحاب النبي يعمل بائعا
الرسول جا من خلفه وحضنه ^^
وصار يقول للناس وهو يضحك من يشتري هذا العبد من يشتري هذا العبد ..
إلتفت الصحابي بغصب لأنه ما تعرف عليه ^^
لمن شاف الرسول بكى وقال لهادرجه أنا مكانتي رخيصه يا رسول الله
الرسول أبتسم وقال لكنها عند الله كبيره ..
فإبتسم وضم الرسول  


إضافه من محب جزاه الله خير

هذي إضافه لطرائف حدثت من حبيبنا المصطفى صلى الله عليه وسلم::
جاء رجل للرسول صلى الله عليه وسلم, فقال: "يارسول الله, احملني على جمل" . فقال صلى الله عليه وسلم:" لا أحملك إلا على ولد الناقة ". فقال يارسول الله إنه لايطيقني , فقال له الناس: ويحك وهل الجمل إلا ولد الناقة! .

وقال رسول الله صلى الله عليه وسلم, لإمرأة من الأنصار:" الحقي زوجك ففي عينيه بياض" . فسعت إلى زوجها خائفة عليه وفقال لها:" مادهاك ؟! ". قالت:" إن النبي صلى الله عليه وسلم قال لي إن في عينيك بياضاً" . فقال:" نعم والله وسواداً" .

روى الترمذي عن الحسن البصري رضي الله عنه قال: أتت عجوز إلى النبي صلى الله عليه و سلم فقالت: "يا رسول الله ادعُ الله أن يدخلني الجنة"، فقال: " يا أم فلان إن الجنة لا يدخلها عجوز" قال: فولتّ- أي ذهبت- وهي تبكي، فقال صلى الله عليه و سلم: "أخبروها أنها لا تدخلها و هي عجوز، إنَّ الله تعالى يقول:
( إنَّا انشأناهن إنشاءً * فجعلناهُنَّ أبكارا ً * عُرُبا ً أتراباً )" الواقعة:35-37
و يقصد أنها تدخل الجنة و هي شابة....

"كان رسول الله صلى الله عليه وسلم يمزح ولايقول إلا حقاً"